صباح عظيم
كيف الاخبار وازي الصحة وكده يعني ؟
المهم
كنت باكلم البت اوشا صحبتي عالنت الصبح فباقولها ان مدونتها حلوة وكده وانها فكرتني بالمأسوف علي شبابها مدونتي فسألتني انا مطنشاها ليه
قولتلها علي شوية حاجات كده
منها ان ضغط كليتي مخليني لو كتبت مش حاكتب غير عن اللي بيحصللي فيها
وفي هذه اللحظة العظيمة تفتق - حلوة تفتق دي - ذهني عن هذه الفكرة العبقرية
وبناءا عليه قررت انا سمية الشهيرة بصمصم انشاء مدونة وسميتها يوميات طالبة معمارجية
وعلي راي مش فاكرة مين ... اللي بيحصللنا ده لازم يكتبوه في كتب
هي مش حتوصل لدرجة يوميات او مذكرات
بس نقدر نقول جعجعة ورغي مع نفسي
وخاصة ان اغلب الناس نسيت ان عندي مدونة وانا مبروحش اعلق في حتة
يلا نبدا بقي رغي
:D
5 comments:
مبروك على المدونه الجديده انا وثقه انها هتبقا جميله اوى ان شاء الله
و يشرفنى انى اكون اول حد يرد فى مدونتك الجديده و حظى حلو انى بى الصدفه اول مره افتح مدونتك انهرده من يوم موضوع المروحه هههههههه
طبعا انتى مش هتعرفينى و مش هتعرفى تتوقعى انا مين حتى بس انا مش هقولك بقا :D
مستنيه مواضيعك الجديده
مبارك عليكى التغير و يارب تكون بداية جديدة تقدرى بيها تتفتق فى ذهنك افكار تانية :))
ماشاء الله ماشاء الله تعليقين مرة واحدة
مش مصدقة نفسي
انا قلت حاقعد هنا احكي وارغي مع نفسي وكل يوم نرش ميا الصبح ونقفل بليل من غير ما حد يخد باله مننا
بس كويس والله
mano
مممممم انت مين
مني اومنة هي ترجمة مانو حاجة من الاتنين
وانا اعرف ناس كتيير بالاسمين دول
بس عامة منورة برضه
ٍSOU
وادينا حنشوف
منورة
مبروك على المدونة برضه و الكلام مش هيبقى غريب عليا كتير لكن مستنيه برضه على امل ان العمارة تختلف من مكان لاخر ربما لافضل
تحياتى
تفتكري يا سوكا لو قعدنا نتكلم على اللي بيحصلنا في الكلية..مدونة واحده تكفينا؟؟
انا معتقدتش!
بس يا بنتي ولا يهمك مسير حد من الاعلام يعرف وينشر عذابنا
هو سجن غريب كان احسن مننا يعني؟
Post a Comment