Thursday, May 8, 2008

ياختي عليا ياختي عليا

يس
يس
يس يس يس يس
انا منشكحة والله العظيم منشكحة
لأول مرة وبعد مرور يجي فوق ال10 تقييمات في مادة الوركنج خلال السنة اجيب فوق نص الدرجة

مش مصدقة نفسي

انا سمية السيد بذات نفسها .. سيبك من اني سمية ... لا طالبة طبيعية في عمارة تجيب 17 من 30

يعني 17 فوق ال 15
والله العظيم فوق ال15

لا وفي وتقييم وكنج وكمان في دفعتي - ربنا يخليهالي يارب - قمة الفجأأأأأة

لا ومش تقييم عادي ده تقييم مجمل علي لوح التيرم كله
حقيقي

انا مذبهلة

والله مذبهلة


يااااه اول مرة احس بالاحساس ده انا كنت خلاص نسيت درجات النجاح في التقييمات بيبقي طعمها ايه


لا لا الواحد جديا بعد كده ممكن يفكر يشتغل بضمير شوية ويبطل نظام شغل نص ساعة وريست ساعتين ونص

ويبطل يشتغل ادام التليفزيون

:)


يلا نقول ايه محدش بياخدها بالساهل عدت ال 4 سنين وشوية مفاضلش غير سنة وشوية

يامسهــــــــــــــــــــــــــــــل



اه اهداء لابد منه مقتبس من صديقتي ... اهداء خاص جدااااااا لدرجات النجاح


" هو انتى ليييه بعيده كده ومستحيله بالشكل ده" *


:) بناءً علي كلام صحبتي يقال اني دي اغنية *
دي صورة المبني بتاعنا .. قسمنا فووووق عند الطربوش *



Sunday, April 20, 2008

اريد رستااااا

30 من 100
كلاكيت تالت مرةةة خلال السنة
انا مش عارفة حيجيبوا منين درجات ينجحوني بيها
انا مش عارفة الغلط مني ولا غباء من الاخرين
اريد رستااااا بجد
ربنا يعدي سنة تالتة دي علي خيييير انا مش حمل سنة زيادة

Sunday, April 13, 2008

يارب صبرني

انا جيت مرة تانية
كيف الاخبار وازي الصحة وكده يعني
تمام طيب
عشان اطلع نرفزتي بقي
دلوقتي انا كان عندي تقييم سيمي فاينل النهاردة وهو تسليم قبل نهائي للمشروع عشان الدكاترة يوافقوا عليه قبل التسليم النهائي
عادي بتحصل
لكن الدكتووووووووور يبص للستادي موديل بكل ارف يلاقي مفيش عمارات حوالين الموقع المطلوب يروح قايلي طيب ويكتب ض ويمشي
لاااااااا
انا مش مزعلني ال ض دي تفاهات يمكن التغاطي عندها لكن يعملي منظر حتي ويحسسني اني كائن حي ويصححلي الشغل اللي جايباه
هو انا كل يوم باجيب شغل واحضر
مش عشان مفيش عمارات حولين الموقع يبقي كأني مشتغلتتتتش
حولين الموقع يانااااس ايه علاقتها بشغلىىىىىىىىىىى
يرضي مين ده يانااااااااس
اه ياتعب قلبي
يعني اجيب شغل مش عاجب مجبش مش عاجب ايه الهم ده
بس اقول ايه هو حيعرف غلطه لوحده
:)

Friday, April 11, 2008

لهذه الاسباب

صباح عظيم
كيف الاخبار وازي الصحة وكده يعني ؟
المهم
كنت باكلم البت اوشا صحبتي عالنت الصبح فباقولها ان مدونتها حلوة وكده وانها فكرتني بالمأسوف علي شبابها مدونتي فسألتني انا مطنشاها ليه
قولتلها علي شوية حاجات كده
منها ان ضغط كليتي مخليني لو كتبت مش حاكتب غير عن اللي بيحصللي فيها
وفي هذه اللحظة العظيمة تفتق - حلوة تفتق دي - ذهني عن هذه الفكرة العبقرية
وبناءا عليه قررت انا سمية الشهيرة بصمصم انشاء مدونة وسميتها يوميات طالبة معمارجية
وعلي راي مش فاكرة مين ... اللي بيحصللنا ده لازم يكتبوه في كتب
هي مش حتوصل لدرجة يوميات او مذكرات
بس نقدر نقول جعجعة ورغي مع نفسي
وخاصة ان اغلب الناس نسيت ان عندي مدونة وانا مبروحش اعلق في حتة
يلا نبدا بقي رغي
:D